ДОГОВОР ЗА ПРОДАЖБА

-
Со договорот за продажба продавачот се обврзува предметот што го продава да му го предаде на купувачот така што купувачот да стекне право на сопственост, а купувачот се обврзува да му ја плати на продавачот цената.Договорот за продажба на недвижни предмети мора да биде склучен во писмена форма. Исто така, договорот за продажба на одредени повижни предмети треба да биде во писмена форма и заверен кај нотар, како на пример договорот за продажба на моторно возило.Потписите на договорните страни кај договорот за продажба на недвижности се заверуваат кај нотар. Битни односно суштествени елементи на договорот за продажба е предметот кој се продава, односно треба да се опише детално за да може да се идентификува и јасно да се дистанцира од останатите слични по природа предмети.Друг битен елемент на договорот за продажба е цената на предметот. Договорните страни пред да пристапат кај адвокат за состав на договорот треба да имаат договорено конечна цена за предметот, доколку цената е договорено да биде исплатена на рати треба да биде наведено во договорот, доколку постојат други посебни елементи кои се договорени треба бидат наведени исто така, како на пример одложено предавање на предметот, рок за селење кај продажба на недвижности, состојбата на предметот на продажба, останати обврски произлезени од сопственоста, евентуални ограничувања на сопственоста и друго.  Договорните страни треба детално да го информираат адвокатот за сите поединости околу продажбата за да може адвокатот да го состави договорот во согласност на вистинската фактичка состојба.  
ПОТРЕБНИ ДОКУМЕНТИ:
1.Лична карта или пасош за купувачот и продавачот.
2.Имотен лист од недвижноста што се продава, или
   сообраќајна дозвола за моторно возило што се продава или друг документ со кој се докажува сопственоста доколку предмет на продажба не е недвижност или моторно возило.
АДВОКАТСКА НАГРАДА ЗА СОСТАВ:
За состав на преддоговори и договори, наградата се определува согласно вредноста:
Вредност од денари Вредност до денари Награда за состав на договор
до 3.000.000,00 3.900,00
3.000.001,00 5.000.000,00 5.000,00
5.000.001,00 9.000.000,00 6.000,00
9.000.001,00 20.000.000,00 10.000,00
20.000.001,00 60.000.000,00 15.000,00
60.000.001,00
30.000,00




Popular posts from this blog

ОСТАВИНСКА ПОСТАПКА

-
Оставинската постапка почнува со барање за поведување на оставинска постапка пред надлежниот Основен суд. Предлог или барање за оставинска постапка може да поднесе било кој наследник на оставителот лично или преку адвокат со полномошно. Основниот суд во рок не повеќе од 5 дена на електронски начин назначува нотар, го подготвува предметот и му го предава предметот на  назначениот нотар. Нотарот е надлежен да ја води оставинската постапка и да донесе решение. Потребни документи: -  Извод од матична книга на умрени на умрени за оставителот - докази за сопственост на оставинската маса (на пример: Имотен лист , или сообраќајна дозвола за моторно возило, број на трансакциска сметка за парични средства во банка, потврда за имател на акции од Централен депозитар за хартии од вредност , потврди за друг имот доколку има. -  Извод од матична книга на родени за наследниците од прв наследен ред -  Извод од матична книга на венчани за сопругата/сопругот, - Тестамент, доколку оставите
Read more

РАЗВОД НА БРАК

-
Во Република Македонија разводот на бракот е еден од начините на престанок на брачната заедница. Врз основа на Законот за семејство бракот може да се разведе по три основи: 1.Спогодбен развод на брак - каде брачните другари потпишуваат спогодба за развод на брак и постапката почнува со предлог за спогодбен развод на брак, брачните другари потпишуваат спогодба во која се уредуваат начинот на вршење на родителските права и чувањето и воспитувањето на малолетните деца, доколку имаат. Оваа постапка е најзастапена и најекономична поради тоа што судот само испитува дали брачните другари таа согласност за развод на бракот ја дале слободно, сериозно и непоколебливо. Оваа постапка обично завршува за едно рочиште во кое мора да бидат присутни двајцата брачни другари лично и пред судот да ја изразат вољата за развод на бракот. 2.По барање на еден од брачните другари поради толкава мера на нарушени односи во кои заедничкиот живот станал неподнослив - се поведува со тужба на еден од брачн
Read more

ДОГОВОР ЗА ПОДАРОК

-
 Со договорот за дар дарувачот се обврзува да му пренесе или му предава на даропримачот во сопственост определен предмет, или му отстапува некое право, или му отпушта долг, или му презема долг без надомест.   Договорот за дар се склучува во писмена форма.    Договорот за дар за движен предмет склучен во усмена форма е полноважен, ако тој е предаден на даропримачот.     Кога предмет на договорот за дар е недвижност мора договорот да биде во писмена форма и да се солемнизира кај нотар, за да може да се изврши промена во јавните книги во кои се водат недвижностите, во случајот тоа е Катастарот. Дар може да направи само лице со полна деловна способност.  Дар може да прими и лице со ограничена деловна способност, како и деловно неспособно лице . Дарувачот може да го раскине договорот и да го отповика направениот дар, во случај кога даропримачот со своето однесување кон него или на нему блиско лице, покаже крајна неблагодарност. Ова право преминува и на наследниците на дарувачот.  
Read more