СТЕКНУВАЊЕ ПРАВО НА СОПСТВЕНОСТ НА ДРЖАВНО ГРАДЕЖНО ЗЕМЈИШТЕ - ПОСЕБНИ СЛУЧАИ

-

 Стекнување право на сопственост на државно градежно земјиште односно на градежно земјиште кое во моментот е со имотен лист на име на Република Македонија или утврдено корисничко право на одредено физичко лице може да се стекне со право на сопственост под посебни случаи и услови.

1.Првиот и најважен услов е градежното земјиште да го владее повеќе од 20 години, кое се докажува со договор за купопродажба на земјиштето склучен со поранешен сопственик со дата пред повеќе од 20 години, кој содржи податоци за договорните страни и податоци за градежното земјиште, со наведен број на катастарска парцела, катастарска општина и површина која била предмет на отуѓување, како и датум на склучување,

2.извод од урбанистички план или урбанистичка планска документација, не постар од 6 месеци,

3.копие од катастарски план за градежното земјиште,  не постар од 6 месеци,

4.имотен лист за градежното земјиште сопственост на Република Македонија, не постар од 30 дена

5. уверение за историски преглед на извршените запишувања во Агенцијата за катастар на недвижностите за предметното земјиште сопственост на Република Македонија, не постар од 30 дена,

6.изјава заверена на нотар во која лицето кое го користи градежното земјиште, односно неговите законски наследници под морална, материјална и кривична одговорност изјавува/изјавуваат дека земјиштето го користат повеќе од 20 години врз основа на договор за купопродажба склучен со поранешен сопственик,

7. во случаите кога договорот склучен со поранешниот сопственик пред повеќе од 20 години од денот на поднесување на барање, не содржи податоци за договорните страни и податоци за градежното земјиште, со наведен број на катастарска парцела, катастарска општина и површина која била предмет на отуѓување, како и датум на склучување, потребна е изјава заверена на нотар од поранешниот сопственик или неговите законски наследници кои се запишани како корисници во имотниот лист за предметното земјиште со која го потврдуваат постоењето на договорот,

8.фотокопија од лична карта или патна исправа

Popular posts from this blog

ОСТАВИНСКА ПОСТАПКА

-
Оставинската постапка почнува со барање за поведување на оставинска постапка пред надлежниот Основен суд. Предлог или барање за оставинска постапка може да поднесе било кој наследник на оставителот лично или преку адвокат со полномошно. Основниот суд во рок не повеќе од 5 дена на електронски начин назначува нотар, го подготвува предметот и му го предава предметот на  назначениот нотар. Нотарот е надлежен да ја води оставинската постапка и да донесе решение. Потребни документи: -  Извод од матична книга на умрени на умрени за оставителот - докази за сопственост на оставинската маса (на пример: Имотен лист , или сообраќајна дозвола за моторно возило, број на трансакциска сметка за парични средства во банка, потврда за имател на акции од Централен депозитар за хартии од вредност , потврди за друг имот доколку има. -  Извод од матична книга на родени за наследниците од прв наследен ред -  Извод од матична книга на венчани за сопругата/сопругот, - Тестамент, доколку оставите
Read more

РАЗВОД НА БРАК

-
Во Република Македонија разводот на бракот е еден од начините на престанок на брачната заедница. Врз основа на Законот за семејство бракот може да се разведе по три основи: 1.Спогодбен развод на брак - каде брачните другари потпишуваат спогодба за развод на брак и постапката почнува со предлог за спогодбен развод на брак, брачните другари потпишуваат спогодба во која се уредуваат начинот на вршење на родителските права и чувањето и воспитувањето на малолетните деца, доколку имаат. Оваа постапка е најзастапена и најекономична поради тоа што судот само испитува дали брачните другари таа согласност за развод на бракот ја дале слободно, сериозно и непоколебливо. Оваа постапка обично завршува за едно рочиште во кое мора да бидат присутни двајцата брачни другари лично и пред судот да ја изразат вољата за развод на бракот. 2.По барање на еден од брачните другари поради толкава мера на нарушени односи во кои заедничкиот живот станал неподнослив - се поведува со тужба на еден од брачн
Read more

ДОГОВОР ЗА ПОДАРОК

-
 Со договорот за дар дарувачот се обврзува да му пренесе или му предава на даропримачот во сопственост определен предмет, или му отстапува некое право, или му отпушта долг, или му презема долг без надомест.   Договорот за дар се склучува во писмена форма.    Договорот за дар за движен предмет склучен во усмена форма е полноважен, ако тој е предаден на даропримачот.     Кога предмет на договорот за дар е недвижност мора договорот да биде во писмена форма и да се солемнизира кај нотар, за да може да се изврши промена во јавните книги во кои се водат недвижностите, во случајот тоа е Катастарот. Дар може да направи само лице со полна деловна способност.  Дар може да прими и лице со ограничена деловна способност, како и деловно неспособно лице . Дарувачот може да го раскине договорот и да го отповика направениот дар, во случај кога даропримачот со своето однесување кон него или на нему блиско лице, покаже крајна неблагодарност. Ова право преминува и на наследниците на дарувачот.  
Read more