ДОГОВОР ЗА ЗАЕМ

-

Договорот за заем е двостран договор кој се склучува помеѓу заемодавач и заемопримач. Предмет на договорот за заем е одреден износ на позајмица кој најчесто е изразен во пари.

Освен износот, договорните страни задолжително определуваат рок на враќање на позајмицата, определуваат начин на отплата на долгот (на рати или еднократно), и камата (најчесто се определува процент), доколку не се плаќа навремено може да се предвиди и казнена камата.

Во договорот за заем може да се предвиди гаранција од заемопримачот кон заемодавачот заради гарантирано враќање на позајмицата. Кај поголемите износи на заеми обично се предвидува гаранција со хипотека на недвижен имот, подвижен имот, меници, други правни или физички лица како гаранти или други начини на обезбедување на побарувањето. Во тој  случај во договорот за заем се вметнува извршна клаузула, која значи дека доколку не се исплати долгот навреме договорот станува извршна исправа, врз основа на која доверителот може да бара присилно извршување дирекно кај извршител.

Цената за состав на овој договор кај адвокат е согласно на адвокатската тарифа која зависи од износот на заемот. Пример, за вредност на позајмица од 1.000.000 денари, цената за состав на договорот изнесува 3900 денари.

Popular posts from this blog

ОСТАВИНСКА ПОСТАПКА

-
Оставинската постапка почнува со барање за поведување на оставинска постапка пред надлежниот Основен суд. Предлог или барање за оставинска постапка може да поднесе било кој наследник на оставителот лично или преку адвокат со полномошно. Основниот суд во рок не повеќе од 5 дена на електронски начин назначува нотар, го подготвува предметот и му го предава предметот на  назначениот нотар. Нотарот е надлежен да ја води оставинската постапка и да донесе решение. Потребни документи: -  Извод од матична книга на умрени на умрени за оставителот - докази за сопственост на оставинската маса (на пример: Имотен лист , или сообраќајна дозвола за моторно возило, број на трансакциска сметка за парични средства во банка, потврда за имател на акции од Централен депозитар за хартии од вредност , потврди за друг имот доколку има. -  Извод од матична книга на родени за наследниците од прв наследен ред -  Извод од матична книга на венчани за сопругата/сопругот, - Тестамент, доколку оставите
Read more

РАЗВОД НА БРАК

-
Во Република Македонија разводот на бракот е еден од начините на престанок на брачната заедница. Врз основа на Законот за семејство бракот може да се разведе по три основи: 1.Спогодбен развод на брак - каде брачните другари потпишуваат спогодба за развод на брак и постапката почнува со предлог за спогодбен развод на брак, брачните другари потпишуваат спогодба во која се уредуваат начинот на вршење на родителските права и чувањето и воспитувањето на малолетните деца, доколку имаат. Оваа постапка е најзастапена и најекономична поради тоа што судот само испитува дали брачните другари таа согласност за развод на бракот ја дале слободно, сериозно и непоколебливо. Оваа постапка обично завршува за едно рочиште во кое мора да бидат присутни двајцата брачни другари лично и пред судот да ја изразат вољата за развод на бракот. 2.По барање на еден од брачните другари поради толкава мера на нарушени односи во кои заедничкиот живот станал неподнослив - се поведува со тужба на еден од брачн
Read more

ДОГОВОР ЗА ПОДАРОК

-
 Со договорот за дар дарувачот се обврзува да му пренесе или му предава на даропримачот во сопственост определен предмет, или му отстапува некое право, или му отпушта долг, или му презема долг без надомест.   Договорот за дар се склучува во писмена форма.    Договорот за дар за движен предмет склучен во усмена форма е полноважен, ако тој е предаден на даропримачот.     Кога предмет на договорот за дар е недвижност мора договорот да биде во писмена форма и да се солемнизира кај нотар, за да може да се изврши промена во јавните книги во кои се водат недвижностите, во случајот тоа е Катастарот. Дар може да направи само лице со полна деловна способност.  Дар може да прими и лице со ограничена деловна способност, како и деловно неспособно лице . Дарувачот може да го раскине договорот и да го отповика направениот дар, во случај кога даропримачот со своето однесување кон него или на нему блиско лице, покаже крајна неблагодарност. Ова право преминува и на наследниците на дарувачот.  
Read more