УСЛУГИ

ЗАСТАПУВАЊЕ ПРЕД СУД И ДРЖАВЕН ОРГАН
Застапување пред суд и државни органи во постапки пред  Основен суд Скопје , како и во судовите во целата држава, Апелациониот суд Скопје и Апелационите судови во Република Македонија,  Врховен суд на Република Македонија  за поведување и водење на постапки по граѓанско право, работни односи, имотни спорови, надомест на штета и други. Застапување пред нотар и Извршител, за извршни предмети.
 СОСТАВ НА ДОКУМЕНТИ
 Состав на сите видови на полномошна, тужби, жалби, приговори, барања, изјави, предлози, времени мерки пред Основните судови, Апелационите судови и по ревизија на Врховен суд на Република Македонија. Состав на тужби на Управниот суд ,  Вишиот управен суд, како и пред сите други државни органи каде се одлучува за правата и обврските на граѓаните. 
 СОСТАВ НА СИТЕ ВИДОВИ ДОГОВОРИ
 Состав на сите договори врз основа на Закон за облигациони односи
 УСЛУГИ ЗА ПРАВНИ ЛИЦА
РЕГИСТРАЦИЈА НА СИТЕ ВИДОВИ ФИРМИ, ЛИКВИДАЦИЈА И СИТЕ ПРОМЕНИ ВО ФИРМИТЕ
Како  Регистрационен агент во Централен регистар  ги вршиме следните услуги на електронски начин преку системот на електронско поднесување на пријави за упис во трговскиот регистар:
- состав на акти за основање на фирми, одлуки за измена на актот за основање, одлуки за промена на управител, одлуки за промена на седиште, назив, скратен назив, одлука за истапување и пристапување, одлука за намалување и зголемување на главница, основање на подружница, изјави по законот за трговски друштва, регистрирање на работно време, регистрација на сите правни лица вклучувајќи, но не ограничувајќи се на регистрација на ДООЕЛ, ДОО, ТП - трговец поединец, АД, ПЗУ - приватна здравствена установа, здруженија на граѓани и друго. Подготовка и застапување во стечајна постапка врз основа на  Закон за стечај
 Нотарски  платни налози
Состав и застапување во должничко доверителски односи по основа на фактура меѓу правни лица или правни лица со физички лица врз основа на веродостојна исправа. 
-    
ОСТАВИНСКА ПОСТАПКА - НАСЛЕДНА ПОСТАПКА
- Поведување и застапување во оставинска постапка

РЕГУЛИРАЊЕ НА ПРЕСТОЈ НА СТРАНЦИ
- Поведување на постапка за добивање на долгорочен престој на странци, застапување пред сите надлежни органи поврзани со дозвола за вработување на странци, дозвола за долгорочен престој на странци и за членовите на нивното семејство во Министерството за внатрешни работи на Република Македонија

РАБОТНИ ОДНОСИ 
Состав на договори за работа, менаџерски договори, договори на дело, решенија за отказ од работа, приговор на решение за отказ од работа, спогодба за престанок на работниот однос, тужби за враќање на работа, жалби и приговори во дисциплинска постапка, електронско пријавување и одјава на работници преку електронскиот систем на Агенцијата за вработување на Република Македонија  
 

Popular posts from this blog

ОСТАВИНСКА ПОСТАПКА

Оставинската постапка почнува со барање за поведување на оставинска постапка пред надлежниот Основен суд. Предлог или барање за оставинска постапка може да поднесе било кој наследник на оставителот лично или преку адвокат со полномошно. Основниот суд во рок не повеќе од 5 дена на електронски начин назначува нотар, го подготвува предметот и му го предава предметот на  назначениот нотар. Нотарот е надлежен да ја води оставинската постапка и да донесе решение. Потребни документи: -  Извод од матична книга на умрени на умрени за оставителот - докази за сопственост на оставинската маса (на пример: Имотен лист , или сообраќајна дозвола за моторно возило, број на трансакциска сметка за парични средства во банка, потврда за имател на акции од Централен депозитар за хартии од вредност , потврди за друг имот доколку има. -  Извод од матична книга на родени за наследниците од прв наследен ред -  Извод од матична книга на венчани за сопругата/сопругот, - Тестамент, доколку оставите
Read more

РАЗВОД НА БРАК

Во Република Македонија разводот на бракот е еден од начините на престанок на брачната заедница. Врз основа на Законот за семејство бракот може да се разведе по три основи: 1.Спогодбен развод на брак - каде брачните другари потпишуваат спогодба за развод на брак и постапката почнува со предлог за спогодбен развод на брак, брачните другари потпишуваат спогодба во која се уредуваат начинот на вршење на родителските права и чувањето и воспитувањето на малолетните деца, доколку имаат. Оваа постапка е најзастапена и најекономична поради тоа што судот само испитува дали брачните другари таа согласност за развод на бракот ја дале слободно, сериозно и непоколебливо. Оваа постапка обично завршува за едно рочиште во кое мора да бидат присутни двајцата брачни другари лично и пред судот да ја изразат вољата за развод на бракот. 2.По барање на еден од брачните другари поради толкава мера на нарушени односи во кои заедничкиот живот станал неподнослив - се поведува со тужба на еден од брачн
Read more

ДОГОВОР ЗА ПОДАРОК

 Со договорот за дар дарувачот се обврзува да му пренесе или му предава на даропримачот во сопственост определен предмет, или му отстапува некое право, или му отпушта долг, или му презема долг без надомест.   Договорот за дар се склучува во писмена форма.    Договорот за дар за движен предмет склучен во усмена форма е полноважен, ако тој е предаден на даропримачот.     Кога предмет на договорот за дар е недвижност мора договорот да биде во писмена форма и да се солемнизира кај нотар, за да може да се изврши промена во јавните книги во кои се водат недвижностите, во случајот тоа е Катастарот. Дар може да направи само лице со полна деловна способност.  Дар може да прими и лице со ограничена деловна способност, како и деловно неспособно лице . Дарувачот може да го раскине договорот и да го отповика направениот дар, во случај кога даропримачот со своето однесување кон него или на нему блиско лице, покаже крајна неблагодарност. Ова право преминува и на наследниците на дарувачот.  
Read more